Ein trong på ingen måte å ha sett ein einaste «Skal vi danse»-episode for å nyte stjerneshowet i Kilden laurdag 18.4.2026. Dansegleda strøymde uavbroten frå scena frå byrjing til slutt. «Dancing Stars by the Professionals» trollbatt publikum med så mykje talent, karisma og tilstadeverande, at det aldri var tvil om at dette var profesjonalitet på høgste nivå då siste songen tona ut.

Av Margaretha Krug Aase

Det var ei festblanding av sirkus- og danskebåt-stemning då lysa senka seg og førestillinga tok til. Ein svulstig, mannleg stemme basunerte ut eit spenstig «Veeelkommen!!!» til storsalen i Kilden, Kristiansand. Dunkande hjarteslag dundra takta frå høgtalarane. Åtte glitrande dansarinner i gullkjolar med blotta magemusklar og høghæla sko flaut ut på golvet. Fem mannfolk i svart yppa til cat-calls frå publikum – og ein kunne undre seg om ein skulle få eit gratis Chippendales-show på kjøpet i kveld. Desse mannfolka dansa heldigvis Chippendales ned i lakkskoa, og kunne vrikka kvart einaste klesplagg av Chippendales any time, any day. For desse stjernene kan danse!

Stars by the professionals” er eit nytt konsept skapt for å gje norske dansarar fleire moglegheiter og bein å stå på enn berre to (i overført tyding, sjølvsagt). Produksjonsselskapet ville skape ein plattform av og med dansarar, der produksjonar som denne vil gje inntekter nok til å kunne leve av dans. Showet i Kilden kunne vifte med toppklassedansarar i alle aldrar, stilar og plagg. Amalie Anne med fleire norske og europeiske mesterskapsplasseringar bak seg, Maria Lie Ramella, som saman med Catalin Andrei Mihu driv Drammen Dance Company, Egon Filipenko med 15 sesonger av «Skal vi danse» under beltet, Ole Thomas Hansen – sørlendingen som vann «Skal vi danse» med Alexandra Joner i 2023, TV-dommer Nadya Khamitskaya Andersen som mellom anna også har vore med i «Mesternes Mester» og «71 grader Nord», latin-dansar og dommer Ivo Havranek Guldberg, markedssjef for «The Professionals» og proffdansar Lillian Aasebø, italienske mesterskapsvinner Santino Mirenna, Vyara Klisurska som har hausta priser frå heile verda, mellom anna Vietnam, Kina og Bulgaria, Antonio Carero som vann «Skal vi danse» i fjor, jazzdansar-stjerna Anette Stokke – som i tillegg til å danse også er ein av showet sine koreografar – dansegiganten og koreografdronninga Therese Cleve-Stiansen, konkurransedansaren Marianne Sandaker med heile 12 sesonger av «Skal vi danse» bak seg, og det unge, nye talentet Norunn Ringvoll, som slo pusten ut av publikum då ho dansa eit heilt fantastisk solonummer denne laurdagen i Kilden med den sjølvkoreograferte dansen «Body Dysmorphia».

Dramatiske balladar i stramt kvitt og svart, hypnotiske solo-nummer og sensuelle par-opptredenar; sydlandsk temperament og svingande jazz-innslag:  Denne førestillinga hadde alt. Programmet ga publikum eit fyrverkeri av ulike innslag der alt frå samba, foxtrot, Paso Doble, wienerwals og salsa flauma i ein perfekt koordinert montasje over scenegolvet med ulike dansarkombinasjonar i god variasjon. Desse dansarane har jobba som profesjonelle dansarar i mange, mange år. Mange av dei har dansa sidan dei var bittesmå. Fleire av dei har vunne medaljar i både norsk og internasjonal dans. Og det synast. Dei er samkøyrde, velkoreograferte og osar stjernekvalitet. Aldersspennet er variert, det same er utsjånad og «spesialitet» hjå kvar enkelt. Det gjer at førestillinga spanande og variert.

Sjå og: LORD HURON – gåtefulle gigantar gjestar Sentrum Scene

byggjer seg opp gjennom 14 velkomponerte, vakre innslag før både publikum og dansarar får ein 20 minutt lang pause. Mellom radene på galleriet kan ein i pausen sjå unge jenter i publikum øve på dansetrinna dei har sett, og stemninga er forventningsfull og full av positiv energi. Showet vert avslutta med 12 heilt sinnsjukt velkoreograferte og intense innslag som går frå højdare til højdare. Ein kjeder seg aldri i løpet av den timen og knappe tre kvartera showet varer – tvert imot – dei kunne gjerne dansa ein heil time til!

Sjå og: Humor, Heilung og konfettirakett: Storefri med Herman og Mikkel innfrir til fulle

Showet i Kilden var det siste av 17 show på turneplanen for 2026. Etter at alle dansarane har tatt ut siste rest av rå kraft og danseglede i trippel-avslutninga «Trouble», «Higher» og «Happy», lainer dei seg opp på scena. Der står dei, desse stjernene, strålande vakre kvar einaste ein i glitter, glamour og stas. Ein tydeleg rørt Ole Thomas Hansen takkar for seg og for laget, og rundar av førestillinga til ståande applaus. Det må vere sterkt for han å avslutte ein heseblesande turne til trampeklapp og ståande applaus frå eit så oppglødd sørlandspublikum. Det er ikkje anna å seie at ein håper The Professionals lukkast med prosjektet sitt i åra framover også! For dette er showtime på stjernenivå frå topp til tå.

Danserane på scena:

Amalie Aune
Anette Stokke
Antonio Careri
Catalin Andrei Mihu
Egor Filipenko
Ivo Havranek
Lillian Aasebø
Maria Lie Ramella
Marianne Sandaker
Nadya Khamitskaya
Norunn Ringvoll
Ole Thomas Hansen
Santino Mirenna
Therese Cleve-Stiansen
Vyara Klisurska

Sjå og: Sam Lee og Martin Steinum Brun åpnet Farsund Folk Festival 2025

Sjå feire bilete:

Sjå klippet vi filma + ekstra materiale på slutten: